Stefnan
Stefna skólans
Í Waldorfskólanum í Lækjarbotnum byggir skólastarfið á waldorfuppeldis- og kennslufræði þar sem mikil áhersla er lögð á að stuðla að fjölþættum þroska nemandans. Áhersla er lögð á félagsþroska og á það að skapa nálægð, annars vegar á milli nemenda og kennara, og hins vegar barnanna á milli, óháð aldri og þroska.
Waldorfuppeldisfræði
Megininntak Waldorfkennslufræðinnar er að stuðla að alhliða þroska manneskjunnar – hugsun, tilfinningu og vilja. Viðfangsefnin eru sett fram á þann hátt að á hverju aldurstigi er námsefnið tengt þroskastígi barnsins með þeim tilgangi að ýta undir næstu vaxtaskref.
Vilji
Barn nemur og mótar vilja sinn beint útfrá því sem það skynjar og sér í umhverfi sínu, ómeðvitað og undirmeðvitað á fyrstu árum ævi sinnar. Það skynjar allt umhverfi sitt með allri veru sinni og stjórnast af viljanum.
Tilfinning
Á aldurskeiðinu sem tekur við eftir sjö ára aldurinn eru það samkennd, litbrigði og þroski tilfinningalífsins sem er í forgrunni. Hið listræna gegnumsýrir alla kennslu og taktföst uppsetning kennslustunda styður við námið. Tilfinningar ráða hér ríkjum.
Hugsun
Þriðji fasinn, hugsun, nýtir í grunninn það sem þegar hefur fengið tækifæri á að vaxa fram, vilji og tilfinningar. Á unglingsárunum þroskast hinir vitsmunalegu kraftar nemenda sem eru nú undirbúnir til að læra í gegnum rannsóknir og vísindi.
Persónuverndarstefna
Skólinn leggur mikla áherslu á að meðferð persónuupplýsinga sé ávallt í samræmi við gildandi persónuverndarlöggjöf.